الخرافات الخاصة بالمجتمع الليبي وهنتنكب عليها بالعامية :
- وسط الخبزة يسمن اكثر من القشرة: المعلومة هذه قداش تضحك ، الحقيقة الخبزة كلها زي بعض.
- الخبزة البيضة تسمن اكثر من خبزت الشعير، ،المعلومة هذه غلط و مافيش فرق بكل من ناحية الرجيم، صح من ناحية صحة الامعاء و تقليل الكوليسترول بعض الابحاث رجحت الخبزة اللي تحتوي على النخالة على انها احسن و لكن في بعض امراض الامعاءزي IBS تعتبر خبزة النخالة غير مناسبة .
- ” وين ماشي بيه العب بطن يا حاج “ ما تلعبش بطن يا شاب و ماتسمعش كلام حد و او قوله ان شاء الله نحج، العب كارديو و رجلين و نحي السكر و بطنك تذوب.
- الزبدة النباتية احسن من الحيوانية في الرجيم : ما فيش منها الدوة بكل و الزبدة كلها من المحرمات في الرجيم ، ممكن النباتية صحية اكثر و لكن مش مثبت علميا يعني شبه هدرزة المرابيع .
- الفواكه ممتازات في الرجيم : الموضوع مهم، لان ليه علاقة بالتحلون و هو سرعة امتصاص السكر. و هذا يختلف من فاكهة لي فاكهة. مثلاً تحلون التفاحة 38 و الموز 55. معناها تقدر تقول التفاح كويس في الرجيم لكن الموز لا بالذات في الليل.
- بالنسبة لعصير الفواكه نوعين، الاول يتم فرم الفاكه كلها يعني من غير تصفي الالياف و يضاف عليها ماء من غير سكر ( م اعتقدش حد يدير فيها من غير سكر ) و لو دارها من غير سكر فينطبق عليه النقطة رقم 5. اما اذا نحيتوا الالياف و زيدها زدوها سكر فمعناها خود بكلاوة ارجلك.
- زيت الزيتون ما يسمنش : اخطر خرافة في العالم الاسلامي مع كل الاحترام لزيت الزيتون و الترغيب فيه من السنة، فعلا زيت الزيتون صحي جدا. لكن افة سمنة زيه زي اي زيوت ثانية و لازم تتعامله معاملة اي زيت في الرجيم ، طبعا كان طيبته عيب حتى مازال تسميه زيت زيتون، لانه حتى ميزته الصحية ضاعت.
- تريض هلبة باش تحرق هلبة، اولا النظام الغذائي هو اللي يضعف لان هو العامل الاساسي اللي يحفز الجسم على حرق الدهون و لازم تعرف ان الرياضة مهمة و لكن هي مجرد مشروع بناء مصنع باش يحرق الدهون اكثر و هذا المصنع هيخدملك خلال اليوم لما تقوم بوظيفتك الطبيعية من حركة و تفكير و يخي حتى نوم و مش لازم وقت الرياضة بس .و في مشكلة ثانية مرت تصير مع كثرة الرياضة و هي الارهاق و وجع المفاصل وانك ثاني يوم تنوض متهتك و مرهق و من غير انها تكون السسب في هذه تدمير عزيمتك ممكن تخليك ممكن تاكل حمار وحشي ثاني يوم و تتحرك زي الدودة، معناها النتيجة .
- كلو شوية باش تضعف؛ ببساطة خير الامور اوسطها و كان تاكل تحت 1200 سعر حراري مش هتضعف الا لو استمريت شهر على الموضوع هذا طبعا هيكون مخك نضرب و أصبحت تعاني من مشاكل في الذاكرة لان الحقيقة انك دمرت خلاية مخك و انزيمات البناء متعك. الملخص لازم تاكل معقول و المهم نوع مصدر السعرات اكثر من عددها السعرات.
